Инсур МӨСӘННИФ
ГӨЛЛӘР КЕМНЕ ЯРАТА?

Минем әни – иң уңганы,
Үстерә ул гөлләр дә,
Эштә генә түгел, һәрчак
Өлгерә ул өйдә дә!

«Мин гөлләрне яратам!» – дип,
Әйткән идем әнигә,
Әллә инде мине сынап,
Карап торды бер көйгә.

Инсур МӨСӘННИФ
СЫЕРЧЫК

Мин йоклаган араларда
Килгән икән сыерчык!
Озын юллар үткән, ачтыр,
Бирдем икмәк – кыерчык.

Рәхмәтләре шулдыр инде –
И, сайрый бит өздереп!
Кага-кага канатларын,
Суза җырын, сөенеп!

Балаларга укыгыз
Инсур МӨСӘННИФ
БУРАН

Кар ява башлаган иде,
Купты җил әллә каян.
Мин уйнарга чыгыйм, дисәм,
Урамда “уйный” буран.

Бөтен ният юкка чыкты,
Чүт кенә еламадым,
И орыштым ул буранны,
Түзмичә булмадымы?!

Балаларга укыгыз
Инсур МӨСӘННИФ
АЛТЫН КӨЗ

– Алтын көз дә җитте, – диеп,
Нәнәй карый тәрәздән, –
Көннәребез имин торсын,
Шатлык көтик бу көздән.

– Нигә алтын, түгел көмеш? –
Дип сорадым нәнәмнән.
Мин бит әле бик кечкенә,
Гаеп түгел, белмәсәм.

Инсур МӨСӘННИФ
БАЛЫКТА

Карт әти китте балыкка,
Мин дә, елап, иярдем.
Югыйсә, карт әти катгый:
“Бүген капмый!!” – дия гел.

Алдый инде, хәйләкәр бит,
Һәр көн тота бер балык.
Үзе, кайт