ЯҢА ЕЛ (Новый год)

Категория:

Стихи для детей на татарском языке (8+)

Дата написания:

16 декабря 2017

Инсур Мөсәнниф
ЯҢА ЕЛ

Яңа ел, Яңа ел,
Яңа ел килә,
Кыш бабай, Карсылу
Пар атта җилә.

Шат аңа балалар:
“Кил тизрәк, – диләр, –
Кыш бабай, китер син
Тик матур көннәр”.

Бүлмә дә бизәлгән,
Уртада – чыршы,
Кунакка килгән бит –
Ул шундый купшы!

Җырласын һәм көлсен
Бүген бар Галәм!
Шатлансын Җиребез –
Бүген бит бәйрәм!
16.12.2017.

Кайда, кайчан басылган:
1) Мөсәнниф Инсур. Яңа ел. Шигырь. "Сөю кайтавазы" китабы. Уфа, "Чурагул" нәшрияты, 2020, 201-202 бб.
2) Мөсәнниф Инсур. Яңа ел. Шигырь. "Урман ни сөйли?" китабы. Уфа, "Китап" нәшрияты, 2020, 91 б.