Сайт писателя-сатирика Инсура Мусанифа

Инсур Мусанниф

Официальный сайт писателя-сатирика

Тамчы хәбәре

Дата написания: 
13 марта 2009
Заметка: 

Балаларга укыгыз
Инсур Мөсәнниф
Тамчы хәбәре

«Яз килде!» — дип хәбәр итеп,
Тамчы тама «тып» та «тып».
Ага юлдан гөрләвекләр
Кемузардан ярышып.

Тамчы тама «тып-тып» итеп,
Тама бозларны тишеп.
Гөл-чәчәкләр үссен, диеп,
Утырмасын, дип, өшеп.

Күшеккән Җир кыш буена —
Салкыннар, ай-hай, өткән,
Шуңа күрә яз җиткәнен
Бик нык зарыгып көткән.

Зәңгәр күктә Кояш көлә,
Нуры hәркемгә җитә.
Агачларда умарталар
Кошлар кайтканын көтә.

...Карлар тиздән эреп бетәр,
Балалар ясар түтәл.
Җир гүзәлрәк булсын, диеп
Утыртыр чәчәк, гөлләр.
13.03.2009.

Кайда, кайчан басылган:
1) Мөсәнниф И. Тамчы хәбәре. Шигырь. "Яңавыл таңнары", 2010, №67-68.
2) Мөсәнниф Инсур. Тамчы хәбәре. Шигырь. "Сөю кайтавазы" китабы. Уфа, "Чурагул" нәшрияты, 2020, 155 б.
3) Мөсәнниф Инсур. Тамчы хәбәре. Шигырь. "Урман ни сөйли?" китабы. Уфа, "Китап" нәшрияты, 2020, 63 б.