Җир белән күк арасында

Категория:

Дата написания:

24 августа 2020

Инсур Мөсәнниф
Җир белән күк арасында

Аякларым атлый киләчәккә,
Үткәннәргә тарта хәтерем...
Киләчәк – юк. Кая омтылырга...
Чыга бара инде кәкерем*.

Киләчәк һәм үткән авыр юллар...
Арасында әле БҮГЕН бар.
Очар идем, җилпеп канатларым, –
Күз ташлаган соры күгем тар.

Киләчәк һәм хәтер... Җир белән күк.
Һәркем кичкән ошбу дәрьядан...
Очмый торам әле, нидер көтеп,
Асылынып ике арада.
* Яки бөкерем.
24-25.08.2020

Кайда, кайчан басылган:
1) Мөсәнниф Инсур. Җир белән күк арасында. Шигырь. «Салават күпере артыннан» китабы. Уфа, "Книга-принт" нәшрияты, 2025, 28-29 бб.