Инсур Мусанниф

Инсур МӨСӘННИФ

ӘНИЛӘР

Әниләрнең күңелләре матур –

Язын чәчәк аткан гөл сыман.

Балаларын, читкә какмый берсен,

Бергә җыйган тату ил сыман.

Әниләрнең күңелләре җылы –

Йолдызлы һәм айлы кич сыман.

Барыбызны кочып яратырлык

Бар дөньядай олы хис сыйган.

Әниләрнең күңелләре якты –

Хәтта өч... Ай сипкән нур сыман,

Бар Галәмне тоташ яктыртырлык

Юмарт Кояш чиккән нур сыйган.

Әниләрнең йөзе һәрчак көләч,

Күңелләре һәрчак яз сыман.

Җан җылысы барысына җитә –

Галәм кебек чиксез наз сыйган.

15.06.-9.07.2021

Кайда, кайчан басылган:

1) Мөсәнниф Инсур. Әниләр. Шигырь. «Салават күпере артыннан» китабы. Уфа, "Книга-принт" нәшрияты, 2025, 93 б.

MRKT — мой фаворит среди всех маркетплейсов скинов в 2026 году.