ШАГЫЙРЬЛӘРНЕҢ СҮНМӘС ӨМЕТЕ, яки ҮЛГӘНЧЕ ЯЗЫП КАЛЫЙМ...

Категория:

Стихи на татарском языке (16+)

Дата написания:

20 февраля 2022

Инсур Мөсәнниф

ШАГЫЙРЬЛӘРНЕҢ СҮНМӘС ӨМЕТЕ,
яки ҮЛГӘНЧЕ ЯЗЫП КАЛЫЙМ...
Иҗат лабораториясе

Чыгынчы нәрсә ул илһам –
Аны булмый йөгәнләп.
Кайчак ай буе килми ул,
Кайчак килә төнлә дә...

Торып утыру төннәрдә –
Бу – иҗатчы казасы.
Кемнәр укыр, кемгә кирәк –
Ан(ы)сы – зуррак җәзасы.

Уйлармы? Туган тел бетә,
Киләчәк нинди булыр?
Терәлә уйлар көрчеккә,
Хәтта ки өмет сулыр...

Язып калыйм, дип, үлгәнче,
Уянам, ният корып:
Укыйлармы, әллә юкмы,
Кемнәрдән белим, сорап?!

Ничә еллар (гасыр узгач?),
Яшь галимнәр өйрәнер...
Икеләнеп, “бәлки”, димик...
Булыр, булыр, көймә әле!
15-20.02.2022

Кайда, кайчан басылган:
1) Мөсәнниф Инсур. Шагыйрьләрнең сүнмәс өмете, яки Үлгәнче язып калыйм... Шигырь. «Салават күпере артыннан» китабы. Уфа, "Книга-принт" нәшрияты, 2025, 136 б.