ҖИР БЕЛӘН КҮК АРАСЫНДА (Между небом и землёй)
Инсур Мөсәнниф
ҖИР БЕЛӘН КҮК АРАСЫНДА
Аякларым атлый киләчәккә,
Үткәннәргә тарта хәтерем...
Киләчәк – юк. Кая омтылырга...
Чыга бара инде кәкерем*.
Киләчәк һәм үткән авыр юллар...
Арасында әле БҮГЕН бар.
Очар идем күккә, җилпеп канат, –
Күз ташлаган соры күгем тар.
Киләчәк һәм хәтер... Җир белән күк.
Һәркем кичкән ошбу дәрьядан...
Очмый торам әле, нидер көтеп,
Асылынып ике арада.
* Яки бөкерем.
24-25.08.2020
Кайда, кайчан басылган:
1) Мөсәнниф Инсур. Җир белән күк арасында. Шигырь. «Салават күпере артыннан» китабы. Уфа, "Книга-принт" нәшрияты, 2025, 28-29 бб.