Ошый, ошамый

Категория:

Дата написания:

17 января 1995

Заметка:

Стихотворение является частью цикла стихов «Сөю кайтавазы»

Инсур Мөсәнниф
Ошый, ошамый
Бер шагыйрьгә

Шигырьләрне бары
Үзем өчен язам.
Хисле булган өчен
Ходай биргән җәза.
Алар – төнге шомлы
Йоклатмаган азан,
Утлы кисәү җанга,
Тәмугтагы казан.
Ошамаса сиңа,
Ачу тотмыйм, юк, юк.
Димәк, сиңа түгел
Йөрәк аткан ут-ук.
Ошамаса сиңа,
Кемгә исә - ошый...
Бетте әйтер сүзем –
Иде бары шушы...
...Шушы гына иде
Йөрәк каным...
Хушы...
17.01.1995.