Әле нәкъ яшьнәр чагым

Инсур Мөсәнниф
Әле нәкъ яшьнәр чагым
Мечтать не вредно.
Рус халык әйтеме.

Әй, елларым, артыгыздан
Сез мине чакырмагыз.
Сезнең дә бит чигегез бар,
Бик җитез юрттырмагыз.

Алтмыш якта алтмыш эшем
Өелеп яткан чагы;
Таралышкан фикерләрнең
Кирегә кайткан чагы.

Килми калмас әле наз да,
Ачармын киң кочагым!..
Алтмыш яшь ул – иң шәп чаклар,
Әле нәкъ яшәр чагым,
Әле нәкъ яшьнәр чагым!
19.08.2016.

Кайда, кайчан басылган:
1) Мөсәнниф Инсур. Әле нәкъ яшьнәр чагым. Шигырь. "Сөю кайтавазы" китабы. Уфа, "Чурагул" нәшрияты, 2020, 181-182 бб.