Күчмә чор

Категория:

Стихи на татарском языке (16+)

Дата написания:

13 января 2022

Инсур Мөсәнниф
Күчмә чор
Шаяру катыш

Бары тик бездә генә –
Береннән ундүртенә
Яңа елга күченәбез
Кызарына-бүртенә.

Борын һәм йөзләр кызыл –
Барыбыз да Кыш бабай.
Я булмаса, Карсылудыр,
Бу мөһим түгел алай.

Унөч* көнлек күчмә чор –
Бер елдан икенчегә.
Узмый торып шул көннәр
Күзләр күрми берсен дә.

Аннан гына ел туа –
Шыгырдык өр-яңасы.
Тик нигәдер искә төшә...
Атасы һәм анасы.

Әле бу алай түгел,
Сәпсим начар тегесе;
Ары-бире йөгертә,
Кидерә эт тиресе.

Я яңгыр яумый тора,
Я кояшы кыздыра.
Ә кесәме? Андамы...
Ачы җилләр сызгыра.

Хикмәт нидә?!
Аңладым
Нәрсә уйный канымда:
Безнең бар бәхетсезлек
Шушы "унөч" санында!
* Трискайдекафобия яки фриггатрискайдекафобия – 13 саныннан курку хорафаты.
13.01.2022.