Кояшсыз көннәрдә

Инсур Мөсәнниф
Кояшсыз көннәрдә

Быел күктә Кояш сирәк кунак,
Агыла да болыт агыла.
Җирдә сирәк-мирәк калган кошлар
Хәлсез генә канат кагына.
Көннәр үтә шулай кояш күрми,
Ә күңелгә сагыш үрелә.
Аяк аста пычрак лач-лос килә...
Якты көнгә өмет сүрелә.
22.04.2016-19.05.2016.

Кайда, кайчан басылган:
1) Мөсәнниф Инсур. Кояшсыз көннәрдә. Шигырь. "Сөю кайтавазы" китабы. Уфа, "Чурагул" нәшрияты, 2020, 178 б.