“Көнләшеп тә куям кайчак...”

Категория:

Дата написания:

23 января 1996

Заметка:

Стихотворение является частью цикла стихов «Бер гомер»

Инсур Мөсәнниф
“Көнләшеп тә куям кайчак...”

Көнләшеп тә куям кайчак
Мин шундый кешеләргә -
Үз кабыгына бикләнгән
Ташбака ишеләргә.
Бер кыллары да селкенми,
Ник шунда дөнья бетми...
Бетми?!
Нигә безне һаман
Битарафлык өркетми???
23.01.1996.

Кайда, кайчан басылган:
1) Мөсәнниф Инсур. “Көнләшеп тә куям кайчак...”. Шигырь. "Тургайлар канат кага" җыентыгы, авторлар коллективы. Уфа, "Китап", 1996, 36 бит.
2) Мөсәнниф Инсур. Көнләшеп тә куям кайчак... Шигырь. "Сөю кайтавазы" китабы. Уфа, "Чурагул" нәшрияты, 2020, 119 б.