Кая ашыгабыз?

Инсур Мөсәнниф
Кая ашыгабыз?

Чабалар, авалар, яналар
Юлларда машина, “матай”лар.
Зурая ел саен зиратлар –
Өр-яңа каберләр арталар.
Нигә соң ашыга адәмнәр,
Карамый уң-сулны, ал-артны?
Әллә соң, чакырып, бәндәне
Зиратлар үзенә тартамы?
7.07.1994.

Кайда, кайчан басылган:
1) Шәнгәрәев Инсур. Кая ашыгабыз? Шигырь. " Ватаным Татарстан ", 3.09.1994, №173.
2) Шәңгәрәев Инсур. Кая ашыгабыз? Шигырь. "Яңавыл таңнары", 12.09.1995, №107.
3) Мөсәнниф Инсур. Кая ашыгабыз? Шигырь. "Сөю кайтавазы" китабы. Уфа, "Чурагул" нәшрияты, 2020, 69 б.