КАТМАСЫН* ДА, КАЙТМАСЫН ДА...
Инсур МӨСӘННИФ
КАТМАСЫН* ДА, КАЙТМАСЫН ДА...
яки Алимент акчасына яшәүче хатын догасы
Ир аера** күп хатыннар,
Түгел болай барчасы да...
Җире дә юк, бакчасы да,
Әмма яши ул байларча –
Бардыр акча, дачасы да...
Бардыр аның догасы да:
– Катмасын да, кайтмасын да,
Килеп торсын акчасы да!
* Кату (халык телендә) – үлү.
** Русиядә никахларның 70 проценты хатын-кыз инициативасы (башлангычы) буенча таркала. Интернеттан.
12.01.2024
Кайда, кайчан басылган:
1) Мөсәнниф Инсур. Катмасын да, кайтмасын да... Шигырь. "Салават күпере артыннан" китабы. Уфа, "Книга-принт" нәшрияты, 2025, 238 б.