Инсур Мусанниф

Инсур Мөсәнниф
Илдарлы Ямады

Бу авылда кемнәр туган, үскән
Бәхетлеләр тормыш юлында.
Ямадыдан олы юлга чыкты
Илдар дигән шагыйрь улы да.

Ямадыда канат ныгытса да,
Шигъри үрләр алга әйдәде;
Әйдәде дә, үткен каләм биреп,
Казан белән аны бәйләде.

Бәхетен дә, олы даннарын да
Тапты шагыйрь шәһри Казанда.
Әмма туган ягын сагынгандыр
Сагыш тулы шигырь язганда.

“Онытмадым сине, онытмадым,
Бер кайтырмын әле”, – диде ул.
Җыенгандыр әле кайтырга да...
Вәгъдәсендә тора иде ул.

Каш өстенә кулын куеп хәтта,
Көтте аны, көтте Ямады...
Тик күрешү насыйп булмаган шул...
Китте шагыйрь улың... Кайтмады...

Зәмһәрирдәй кышкы салкыннарда