Инсур Мусанниф

Инсур Мөсәнниф
Чын ир-егетләр бәйрәме
Уены-чыны бергә

Ирләрнең дә хәзер бар бәйрәме –
Егерме өче бу февральнең.
Күпләр хәтерлидер озак вакыт
Шатлык-тантанасын бу мәлнең.

Байтак шигырь, җырда макталадыр
Илнең сакчылары – геройлар,
Ирләр көтә аны ел буена (!) –
Көтә көннәр, төннәр һәм айлар!

Әмма бар тик яман бер йоласы...
Шул "тамак"ка алам "бәйләнеп"...
«Герой»ланып ала кайчак кемдер,
Мактаулардан башы әйләнеп.

Бәйрәм – бәйрәм белән... Әмма дөнья
Тик алардан тормый, шартла хет!
...Иртәгәгә «пост»та кала алсаң,
Син – чын герой, чын ир, чын егет!
23.02.2021.