БОЛЫН (Луг)

Категория:

Дата написания:

16 октября 2024

Инсур МӨСӘННИФ
БОЛЫН

Болын тулы матур чәчәк
Һәм хуш исле үләндер...
Күктән якты Кояш Җирне
Наз-нурына күмгәндер...

Изрәп Кояш нурларына,
Җир-анага тотынып,
Болын, гөрләп, яшәп ята,
Бар дөньясын онытып:

Талгын җилдә тирбәләдер,
Уйныйдыр да, көләдер...
Белмим, мондый зур бәхетләр
Тагын кемгә эләгер!

Тик бәхетнең гом(е)ре кыска –
Күпләр моны беләдер...
...Зур болынның бер башында
Чалгы яный кемнәрдер...
13.10.2024, 16.10.2024

Смотрите также...