БЕЗ ҮЗГӘРСЕН ӨЧЕН... (Чтоб изменились мы)
Инсур МӨСӘННИФ
БЕЗ ҮЗГӘРСЕН ӨЧЕН...
Авырлык, я бәла килә калса,
Без Аллаһтан ярдәм сорыйбыз:
– Үзгәрт, – дибез, – зинһар, хәлебезне,
Юкса бетәбез бит, корыйбыз...
Тик, минемчә, Аллаһ безгә моны
Иксез-чиксез Җиһан, күкләрдән,
Аннан ярдәм сорар өчен түгел,
Без үзгәрсен өчен җибәргән...
9.11.2022
Кайда, кайчан басылган:
1) Мөсәнниф Инсур. Без үзгәрсен өчен... Шигырь. «Салават күпере артыннан» китабы. Уфа, "Книга-принт" нәшрияты, 2025, 175-176 бб.