Инсур Мусанниф

Инсур Мөсәнниф
Эчкече газаплары

Эчмәс иде аракының
Кызылын да, агын да...
Авызына керде исә,
Сорый бит ул тагын да!

Аракының бөкесе ак,
Шешәдә дә ак нәрсә...
Явызлык ак була микән,
Менә кайда мәсьәлә!

Шул явызны эчте исә,
Эчтә шайтан котыра.
Кеше аны җиңә алмый,
Нәфсесенә оттыра.

Ничек табу бер акбашлык,
Акчада бар күңеле...
Бәлки акча табылыр да...
Югалтадыр гомерен...
1980-31.03.2018.

Кайда, кайчан басылган:
1) Мөсәнниф Инсур. Эчкече газаплары. Шигырь. "Сөю кайтавазы" китабы. Уфа, "Чурагул" нәшрияты, 2020, 22 б.