Инсур Мусанниф

Инсур МӨСӘННИФ
МИН – ГАЕПСЕЗ!..
Уены-чыны бергә

“Синең хакта төрле-төрле сүзләр
Йөри бит ул, – диләр, – халыкта”
Гайбәте дә бардыр инде анда,
Бардыр инде анда хаклык та...

Ә менә сез – “белый” һәм “пушистый”,
Нурлы Ай сез – күктә калыккан!
Сезнең белән ярыша алмыйм һич тә
Чисталыкта, сафлык, аклыкта.

Ә минеме? Мине, гаеплене,
Кабул итсәгезче ничек бар.
Нишлим инде, язмыш – маңгайларда,
Димәк, минем нинди гайбем бар?..
20.10.2025