Инсур Мусанниф

Инсур Мөсәнниф, Яңавыл каласы

ҖИР ХӘСРӘТЕ

Кече яшьтән беләм, Җир әйләнә, ди,

Тәүлеккә бер тапкыр күчәре тирәли,

Шул ук вакытта елга бер – Кояш тирәли...

Аптырыйм, ничекләр «баш-күзе» әйләнми...

...Җирне Кояш ары, бире тулгандыра:

Суыгын җибәреп, өшетә, туңдыра...

Нуры белән өтеп, табадай кыздыра,

Котыпта бозларны эретә, шудыра...

...Җир шары туктаусыз әйләнә, тулгана,

Шунлыктан аның да «күңеле болгана»,

Кайдадыр ут бөркә зур авыз – вулканнар,

Кайдадыр басадыр я су, я туфаннар...

Бомбаларга тота Күк җисемнәре дә,

Коточкыч, ди, кеше кушкан исемнәре дә...

Җиргә оча спутник-юлдаш калдыклары,

Космоска кирәксез чүбе – артыклары...

«Метеор»лар, ажгырып, я килә, я китә,

Тагын планеталар янәш җилеп үтә.

Дөмбәслидер Күктән янә ут-ташлары,

Исән калыр микән, и, газиз башларым...

Я анда, я монда тетридер җире дә...

Кайчандыр Шарыбыз китмәсен кирегә:

Чатнапмы, сыныпмы шыгырдык күчәре –

Акылсыз кешедән алып бар үчләрен...

Газиз Җиребез ул – тере – кеше кебек...

Утырган ботагына чапкан вәхши кебек,

Акылсызлыкны күреп, җаны өши кебек,

Безнең «эшчәнлек»тән буылып, чәчи кебек...

Җирнең кан тамыры – инеш, елга, күлләр...

Мөлдериләр, сакла, диеп, чишмә-күзләр...

Җирнең үпкәләре – яшел, киң урманнар,

Пычкы явын көтеп, «дер» калтыраганнар...

...Әйе,

әле

Кояш бирә бәрәкәтен,

Җир югалтмый

Әлегә

талгын хәрәкәтен.

...Кад(е)рен белсәң, Җирдә яшәү бик рәхәттер...

Аңласакчы тагын Җир-ана хәсрәтен...

19-20.02.2021

1) Мөсәнниф Инсур. Җир хәсрәте. Шигырь. «Салават күпере артыннан» китабы. Уфа, "Книга-принт" нәшрияты, 2025, 71-73 бб.

Эксклюзивные промокоды для получения бонуса без депозита в казино периодически публикует www.bezdep1.one , давая подписчикам преимущество перед обычными посетителями сайтов казино.