ЕЛНЫҢ ДҮРТ ФАСЫЛЫ

Категория:

Дата написания:

26 января 2021

Инсур Мөсәнниф
ЕЛНЫҢ ДҮРТ ФАСЫЛЫ

Һәр елның бар дүрт фасылы...
Һәр фасылның – үз асылы.

Табигатьтә кыш. Салкын кыш!
– Өшетә бит, җил «ыж» да «ыж»!

Табигатьтә яз. Назлы яз!
– Тагын баткак. Һәркайда саз!

Табигатьтә җәй. Җылы җәй!
– Кояш өтә. Әлләлә-әй!

Табигатьтә көз. Алтын көз!
– Пычрак ярып, баткак сөз!

Табигать тә, әй, зарлана:
– Тынычлан, ә, син, дивана!

Һәр фасылым – оҗмах түре,
Син генә ул – риза түгел...
26.01.2021

Смотрите также...