Инсур Мусанниф

Инсур Мөсәнниф Тозлы аш Җиткән кызның, аш пешергәч, Ашы бик тозлы булса, Елмая иде әниләр: “Гашыйк булган бу бала!..” Белгәннәрдер, шәт, әниләр – Кайчандыр яшь булганнар… Ярын сайлап, гашыйк булып, Матур гаилә корганнар. Мин дә кайчак аш өлгертәм, Кайчак тоз артык була... Булса булыр, шөкер итик, – Авызда кашык була... Акланам, мин ир-ат ләса. Осталыгым чамалы, “Әллә гашыйк булдың?!” – диеп. Көлкеләргә бормачы. (И туганым, шаянсың син, Кайда инде гыйшыклар! Инде хәтта атлаулар да Кыйшыклап та мыйшыклап). ...Мин үзем дә шаян сүзле, Үпкәлидер кемнәрдер. Күңел бит ул кемдә каты, Кемнекедер – нечкәдер. ...Көлке сүзе, тисә, тисен, Яман сүзләр тимәсен, “Ашы тозлы”, – дисә, дисен. “Тозсыз кеше”*, димәсен... * Тозсыз – әдәпсез, инабатсыз, юләр, пырдымсыз, оятсыз, теленең ни сөйләгәнен белмәүче һ.б. (минемчә, мәгънәләре шактый, ахры). 25.04.2022 Кайда, кайчан басылган: 1) Мөсәнниф Инсур. Тозлы аш. Шигырь. «Салават күпере артыннан» китабы. Уфа, "Книга-принт" нәшрияты, 2025, 157 б.

Перед регистрацией стоит посмотреть как платит площадка и что пишут игроки читать реальные про Олимп Казино отзывы о выплатах так проще оценить надежность сервиса