Чишмә зары

Категория:

Дата написания:

22 сентября 2020

Инсур Мөсәнниф
Чишмә зары

Мин ирекле булып туган идем,
Ирегемне минем будылар:
Дөньям чикләп, бикләп, өсләремә,
Сарайсыман будка кордылар.

Хәзер барысы да битлек кия –
Үз ишләре кебек иттеләр.
Суларымны мактап сөйләп, мине
Дүрт диварга ябып киттеләр...

Ишетсәм дә моңлы кошлар җырын,
Күрә алмыйм алар очканын;
Иртән чыккан Кояш нурларының
Чәчәкләрне назлап кочканын...

Төнен тулган ай да, йолдызлар да
Чылтыравым минем ишетми.
Чылтырамыйм, бары ыңгырашам –
Ничек түзсен җаным, күшекми...

Инде чишмә түгел, бары
Җирдән
Су саркылып чыккан тишек мин.
Әйтерсең лә, асып куелса да,
Сабый тирбәтмәгән бишек мин...
2-22.09.2020.

Смотрите также...