ГОМЕР ЮЛЫ АХЫРЫ

Категория:

Дата написания:

13 ноября 2020

Инсур Мөсәнниф
ГОМЕР ЮЛЫ АХЫРЫ

Ул кайчандыр чык тамчысы иде...
Кояш нуры төште, күккә очты...
Инде менә, кар бөртеге булып
Кире төшеп, туган җирен кочты...

Һәр нәрсә дә гади Табигатьтә:
Бу – әйләнешедер бары суның...
Ахыры бит шулай тәмамлана,
Озын, кыска булсын, барлык юлның...

Тормыш кануннары чагылышы –
Байтак кешеләрнең дә язмышы –
Буйсынудыр Җиһан җилкәненә:
Җитте исә гомер чикләренә,
Күпме таптаса да чит җирләрне,
Кайтып ята туган җиркәенә.
13.11.2020

Кайда, кайчан басылган:
1) Мөсәнниф Инсур. Гомер юлы ахыры. Шигырь. «Салават күпере артыннан» китабы. Уфа, "Книга-принт" нәшрияты, 2025, 39 б.