ЯШЬТӘШЛӘР (Ровесники)

Категория:

Стихи на татарском языке (16+)

Дата написания:

06 февраля 2022

Инсур Мөсәнниф
ЯШЬТӘШЛӘР
Уенчалап

Ары-бире сугыламын,
Фатирымда – ялгызым.
Хәзер болай йөрмәс идем,
Ник булмады балдызым?!

Тирә-юньдә тере җан юк,
Әңгәмәдәш – компьютер.
Тик “үпкәли”, әлегә мин –
Бу өлкәдә “пионер”.

Әмма көзге тирәсеннән
Узган чакта шаккаттым!
Карап тора чал чәчле карт...
Аптырап, тел шартлатты.

Кибетләргә барып килдем,
Алып кайттым ун көзге!
Акча бераз аз(ы)рак шул*,
Алыр идем бит йөзне!

Барысын да элеп чыктым –
Бүлмә саен бишәүләр.
Инде хәзер һәр көзгедән
Карап тора яшьтәшләр.
Ялгыз түгел мин, иптәшләр!
6.02.2022
* Яки Акча ягы такыррак шул.

1) Мөсәнниф Инсур. Яшьтәшләр. Шигырь. «Салават күпере артыннан» китабы. Уфа, "Книга-принт" нәшрияты, 2025, 127 б.