БЕЗНЕҢ ЗАМАНА АРБАСЫ

Категория:

Стихи на татарском языке (16+)

Дата написания:

05 марта 2025

Инсур МӨСӘННИФ
БЕЗНЕҢ ЗАМАНА АРБАСЫ

Исемнәре шактый аның –
Шул чорның чынбарлыгы,
Тарттык төпкә җигелепләр,
Замана, соң ни кылыйк?!

Булдың “Уфалла” арбасы,
Булдың “Тартай” арбасы,
Тарттык “Сталин” арбасын да,
Кая барыйк – тартасың!

Атамасы төрле, дөрес,
Әмма бер үк мәгънәсе...
Үз чорында ниләр күрми
Бу Алланың бәндәсе.

Үз чорында, гомерендә...
Чорны сайлап алмыйлар...
Шундый чорлар җитүенә
Юл куймагыз, самыйлар*!

Шуңа таба бара, ахры,
Карап торсаң, дөньясы...
Тик хәзер... белүче бармы –
Ничек итеп корырга соң...
Шул “Уфалла” арбасын?..
* Самый (диалект) – юләр, ахмак, дивана.
5.03.2025