КЕМ КЕМНЕ?

Категория:

Дата написания:

09 февраля 2023

Инсур Мөсәнниф
КЕМ КЕМНЕ?

2023 елның 6 февралендәге җир тетрәү нәтиҗәсендә Төркиядә 335 344 бина тулысынча җимерелгән, яки төрле дәрәҗәдә зыян күргән, 50500дән артык кеше һәлак булган, 107204 кеше яраланган һәм каза күргән, Сириядә һәлак булучылар 8476, каза күрүчеләр 14500 кеше исәпләнә... (мәгълүмат – интернеттан).

Кеше табигать белән көрәшә,
Табигать – кеше белән.
Табигать – бәла-казасын салып,
Кеше – алдынгы фәнен кулланып,
Тырнагы, теше белән.

Тартышалар, һәм дә дошманлыкта
Аларга юктыр... тиңнәр!
Ә Аллаһ күктән күзәтеп тора,
Куркып һәм өркеп, фаразын кора:
Кем кемне кайчан җиңәр?
9.02.2023