Сайт писателя-сатирика Инсура Мусанифа

Инсур Мусанниф

Официальный сайт писателя-сатирика

Куаныч

Дата написания: 
19 апреля 2021

Инсур Мөсәнниф
Куаныч

Минем өчен олы бәйрәм бүген:
Исән-саумын – менә уяндым.
Тәрәзәмне ачтым, янә Кояш
Нурларына чумып, куандым.

Апрель ае… Бүген унтугызы...
Гадәти бер көн... календарьда...
Төнгә кадәр әле ничә сәгать!
Күпме шатлык көтәдер алда?!

Шатлык инде – җиргә аяк басу...
Гөрли янда күк күгәрченнәр...
Җимнәр сибәм мин аларга кайчак,
Куансыннар һәм сөенсеннәр...

Һәрбер көннән мәгънә, шатлык табып,
Тату яши бит, әнә, алар...
Җим эзлиләр, бала чыгаралар...
Киң күренә тап-тар оялар...

Безгә генә чиксез киң дөньялар
Күренәдер никтер тар булып...
Яратмыйбыз эссе һәм... салкынны...
Көнкүрмешләр аһ һәм зар тулы...

...Башкаларны белмим, бәйрәм итәм –
Исән-саумын – янә уяндым.
Кояш нурларыннан күз чагылып,
Уйларыма гына чуалдым.
19.04.-5.06.2021.