Әйтер идем...

Категория:

Стихи для детей на татарском языке (8+)

Дата написания:

03 декабря 1996

Заметка:

Стихотворение является частью сборника стихов для детей «Герле сәгать, серле сәгать»

Инсур Мөсәнниф
Әйтер идем...
(Походта)

Урманга сәфәр чыктык без
Сыйныфташларым белән.
Карурманның Шүрәлесе
Хакында күптән беләм.

Тукай абый шигырендә –
Шүрәле дә, Былтыр да.
Шүрәле кытыклар диеп,
Куркып кына утырма!

Маңгае мөгезле булса да,
Шүрәледә баш такыр.
Бармагын кыстыра алсаң,
Димәк, син инде тапкыр!

Тик Шүрәле очрамады,
Их, чыксамы каршыма,
«Ул минем якын дустым!» – дип,
Әйтер идем барсына.
3.12.1996.

Кайда, кайчан басылган:
1) Мөсәнниф Инсур? Походта. Шигырь. "Яңавыл таңнары", 2004, №№132-133.
2) Мөсәнниф Инсур. Әйтер идем... Шигырь. "Сөю кайтавазы" китабы. Уфа, "Чурагул" нәшрияты, 2020, 128 б.
3) Мөсәнниф Инсур. Әйтер идем.... Шигырь. "Урман ни сөйли?" китабы. Уфа, "Китап" нәшрияты, 2020, 72 б.