Сайт писателя-сатирика Инсура Мусанифа

Инсур Мусанниф

Официальный сайт писателя-сатирика

Нәфес хаклы, ахры...

Дата написания: 
11 января 2021

Инсур Мөсәнниф
Нәфес хаклы, ахры...
Уены-чыны бергә
(уразадан соң колбаса ашап утырган карчыкны күргәч)

Ачлык игълан иттем үз-үземә:
“Ашый-ашый инде надоел.
Туяр көнең бармы икән синең,
Тыгынасың инде ничә ел!”

Әмма нәфес котырта да тора:
“Аша, туган, аша, үләрсең!
Ашамыйча тора алмый бәндә,
Әллә инде, туган, юләрсең!

Тормыш кануннары гади генә,
Вакыт инде шуны аңларга:
Яшәмәсәк тә без ашар өчен,
Яшәр өчен кирәк ашарга!”

...Уразалар узгач, колбасаны
“Сыптыртканын” күргәч әбинең,
Башка төште бер уй: ни файда бар,
Минем ачлык игълан итүнең?

Нәфес хаклы, ахры. Уйладым да,
Ачлык кортын шулай үтердем:
Чукындым да... әйтеп бисмилланы,
Дуңгыз ботын ашап бетердем!
11.01.2021.

Добавить комментарий