Кояш белән тау шуабыз (Тема: КЫШ)

Категория:

Стихи для детей на татарском языке (8+)

Дата написания:

29 декабря 1995

Заметка:

Стихотворение является частью сборника стихов для детей «Герле сәгать, серле сәгать»

Инсур Мөсәнниф
Кояш белән тау шуабыз

Җирдә — кыш, күктә — кояш!
Җиргә ак кар түгелә.
Җиргә төшкән карлар инде
Тау-тау булып өелә.

Зәңгәр күктә дә сөзәк
Ап-ак тау — болыт йөзә.
Шатлана кояш, көлә, —
Болытка ятып җилә.

Кояшның тавы — болыт,
Безнең тауда кар туза.
Кайчак кояшның тавы
Кояшның үзен уза.

Без тауга чак менәбез,
Арып-талып бетәбез...
...Кояш бит бездән көлә, —
Тау аңа үзе килә!
19-29.12.1995.

Кайда, кайчан басылган:
1) Мөсәнниф Инсур? Кояш белән тау шуабыз. Шигырь. "Яңавыл таңнары", 2008, №№6-7.
2) Мөсәнниф Инсур. Кояш белән тау шуабыз. Шигырь. "Сөю кайтавазы" китабы. Уфа, "Чурагул" нәшрияты, 2020, 118 б.
3) Мөсәнниф Инсур. Кояш белән тау шуабыз. Шигырь. "Урман ни сөйли?" китабы. Уфа, "Китап" нәшрияты, 2020, 85 б.