Ир-егет еламый, диләр... (Говорят, что мужчины не плачут...)

Категория:

Дата написания:

20 октября 2018

Инсур Мөсәнниф
Ир-егет еламый, диләр...

Күземнән кайнар яшь бәреп чыкты бүген...
Ир кеше булсам да...
Акты ул яңактан...

Карлы-бозлы болыт баскан иде күгем,
Күз яшем кусам да,
Түгелде яңадан...

Ирләр дә елый шул... (мин риза – еласын!)
Сәбәбе нидәме? –
Җанда боз, кар иде.

Ишелер күк иде... җимереп дөньясын...
Әмма ишелмәде...
Күз яшьтән эреде...
14-20.10.2018.

Кайда, кайчан басылган:
1) Мөсәнниф Инсур. Ир-егет еламый, диләр... Шигырь. "Сөю кайтавазы" китабы. Уфа, "Чурагул" нәшрияты, 2020, 264 б.

Смотрите также...